افغانستان ماصر تاریخ

پوهیږم؛ تاسې درک کولای شم چې له کوم ظلم او وحشت سره تاسې مخ یاست او هغه ستونزې چې تاسې ورسره لاس او ګریوان یاست دا په واقیعت کې د تحمل وړ ندي؛ خو دا چې زه او زما په شمول ځینې نور با احساسه افغان ځوان د مور وطن له غیږې لیرې یو مونږ تل کوښښ کړی او کوو یې ستاسې ستونزې او د طالبانو دغه ظلم او بربریت تر نړیوالې میډیا ورسوو نو؛ په تېرو دریو کلونو کې په مختلفو اړخونو کې مونږ هڅې کړي د میډیا تر مبارزې رانیولي آن تر لاریونونو او نور هڅو پورې…

تاسې ته په پوره اطمنان سره دا خبره کولای شم چې څه چې په وطن کې تیریږي او تاسې ورسره مخ یاست دا دایمي ندي ډیر ژر به تاسې په خپلو سترګو ووینۍ چې د تېر په څېر یو ځل بیا به د طالبانو تخت په بل مخ واوړي ځکه چې نړیوال او نړیواله ټولنه ټول په افغانستان کې د طالبانو کړنو، ظلمونو ،شته بربیتونو او په خاص ټول د افغان میرنو سره د دوی ظلمونو ته متوجه دي. لکه څه ډول چې اغلې میرمنې )میرلي سټریپ( تېره ورځ د یونایټیډ نیشن په یوه غونډه کې په خپل بیان کې وویل چې حیوانات هم زیاته ازادي لري نسبتاَ افغان میرمنو ته د طالبانو په رژیم کې؛ هغې د خپلو خبرو په دوام کې دا هم وویل چې یوه مرغۍ کولای شي خپل غګ وباسي خو یوه ښځه نشي کولای چې د خپل حق غوښتنه وکړي. نو په وطن کې درنو او پتمنو خویندو زه او زما په شمول ټول با احساسه ځوانان به خپله مبارزه جاري ساتو تر څو د نړیوالو پام افغانستان ته واړوو او له دې ظلم او بربیت څخه د خلاصون یوه لار پیدا کړو. زه په پوره ډاډ او اطمنان سره ویلی شم چې انشالله زمونږ مبارزه به ډیر ژر رنګ راوړي.

په درنښت حسیب خان ځواک